النمر النوبي
مشرف
عدد الرسائل : 9
تاريخ التسجيل : 26/09/2008
 | موضوع: ابني بيتك فوق الجبل  الإثنين سبتمبر 29, 2008 11:32 am | |
|
ابني بيتك فوق الجبل
ابني بيتك فوق الجبل
هههههههههههههه وانا مش عارف ابني بيت تحت الارض
تخصصت الاعلانات المصريه في حرق دم الشعب المصري الذي يعيش اكثر من ربعه تحت خط الفقر ونصفه علي خط الفقر بالظبط والربع الباقي مالك البلد
بالا سؤال نختبر فيه معلوماتك البيت اللي فوق الجبل ده يكلف كام
ممكن يبني كام عماره سكنيه للشباب
اوعي حد يضحك عليك ويقلك ان مصر فيها ازمة سكن
انا كنت فاكر زيك كده لغايه ما شأت الظروف اني اتعرف علي صديق ويعزمني علي اسبوع في فيلته في مارينا ( اوعي حد يحسدنا ويقول انت كنت في مارينا ده كان اسبوع كله عذاب )
المهم رحت مارينا القطاع الاول والثاني والثالث والرابع والخامس وبورتو مارينا ومش عرف ايه مارينا
المهم ان بعد اسبوع صاحبي زهق قالي تعالي نروح الشاليه اللي في كرير وكرير مش بعيد عن مارينا باكتر من نص ساعه
طب لازمته ايه ده يابني قال عادي اهو الوالد بيئمن مستقبلنا
فيلا في مارينا وحدث ولا حرج ولا بتاع 3 مليون وشويه
شاليه في كرير بتاع كده مليون ونص
فيلا في اكتوبر علي شاليه في الغردقه علي كام شقه في مصر واسكندريه
وبيفكر يبني بيته فوق الجبل عشان الجو جميل هناك واهو حياه جديده
ههههههههههه انا شكلي كده ححبس صاحبي ده وحاجيبله الضرايب
( علي فكره اكيد بيكره بتوع الضرايب العقاريه )
وبيفكر يبني بيته فوق الجبل عشان الجو جميل هناك واهو حياه جديده
بس مين قاله يصاحب واحد من عامه الشعب المصري اللي بيكافح عشان يركب المترو ويتشعبط في الاوتوبيس ويتحمل رزاله بتوع الميكروباص
الموضوع ده كان في دماغي من بدري اكتبه لكن اللي جاب السيره
ابني بيتك فوق الجبل
ابني بيتك فوق الجبل
ارض جولف ( يعني الشعب المصري يعرف يعني ايه جولف وبيلعبه ماله البلي مسافات طويله )
تلفريك ده اللي اسم الله علي مقامك بتشوفه في الافلام بتاعه لبنان القديمه وافلام التلج الامريكيه
واهالي الدويقه المساكين مش عارفين يسكنوا فين قاعدين في الشارع اي شاب تساله انت متجوزتش ليه يقلك اسكن فين
في النوبه فتحوا باب التقدم لشقق سكنيه غرفتين وصاله ب160 جنيه في الشهر الناس كلها متردد تقدم المرتب فيه كام 160 جنيه في الشهر
ثوره الجياع
حتيجي حتيجي ناس مش لاقيه تاكل وناس مش عاجبها ارتفاع اسعاد الكفيار والسيمون فامييه
بالمناسبه حد يعرف ده ايه بالظبط احسن يكون لحم خنزير ولا حاجه
وانت يا مسكين الفول عشان زهقت منه بتنوع فيه
فول بالبيض فول بالزيت فول بالصلصه فوب بالزيت الحار فول بالسمنه فول بالجبنه وقريبا فول بالمربي
اه يابلد اةةةةةةةةةةةةةةةةةةةةةةةةةةةةة يابلد
[/color][/color] | |
|
mona
مشرف
 عدد الرسائل : 78
العمر : 36
العمل/الترفيه : طالبة/كتابة خواطر
المزاج : حزين
تاريخ التسجيل : 01/10/2008
| | موضوع: رد: ابني بيتك فوق الجبل الأربعاء أكتوبر 15, 2008 12:53 am | |
| بجد أسلوب حضرتك رائع جدا
تعرض المأساة التى يعانى منها اغلب الشعب بطريقة جميلة
شكرا لك
وننتظر المزيد | |
|
النمر النوبي
مشرف
عدد الرسائل : 9
تاريخ التسجيل : 26/09/2008
| | موضوع: السلام عليكم الإثنين أكتوبر 20, 2008 9:02 pm | |
| السلام عليكم ورحمة الله وبركاته
اولا انا سعيد بمرورك علي الموضوع
ثانيا المأساة دي لازم اننا نتكلم عليها عشان نعرف نلقي ليها حل
وبأذن الله حكتب مواضيع جديد اتمني انك تتابعيها انتي وبقيت الاعضاء بأذن الله | |
|
